Бугун мамлакатимизда ҳудудида карантиндан қочмоқчи бўлган фуқаро қўлга олинди, дея хабар берди Ўзбекистон Миллий гвардияси хизмати.

Шу йилнинг 20 март куни Россия Федерациясининг Москва шаҳридан “Москва-Тошкент” поезди орқали Ўзбекистонга кириб келган, Наманган вилоятида туғилган 25 ёшли йигит М. A. эпидемик вазиятга кўра, ўрнатилган тартибда, Қашқадарё вилоятида ташкил этилган карантин марказига жойлаштирилган эди. 

Ушбу фуқаро бугун - 21 март, шанба куни соат 15.30да белгиланган тартиб қоидаларга амал қилмасдан карантин маркази деворидан ошиб ўтиб, қочишга ҳаракат қилган. Ўша вақтда карантин ҳудуди бўйлаб хизмат олиб бораётган Миллий гвардия қўриқлаш хизмати ходими томонидан қўлга олинган.

Ҳозирда ушбу шахсга нисбатан жиноят иши қўзғатиш чоралари кўрилмоқда.

Шу ўринда эслатиб ўтиш даркорки, санитарияга оид қонун ҳужжатларини ёки эпидемияга қарши кураш қоидаларини бузганлик учун Ўзбекистон қонунчилигида жуда кескин жавобгарлик чоралари кўзда тутилган.

Жиноят кодексига асосан шундай ҳуқуқбузарликларга йўл қўйган шахслар 8 йилгача озодликдан маҳрум қилиш жазоси билан жазоланиши мумкин.

© namangan24.uz

--> -->