Шу йилнинг 11 июнь, сешанба куни Ўзбекистон олимпия терма жамоаси Миср Араб Республикаси олимпия терма жамоасига қарши халқаро ўртоқлик учрашуви ўтказади.

Мазкур ўйин Наманган шаҳридаги “Марказий” ўйингоҳда соат 20:30да бошланади.

Африка қитъасида футболи тараққий этган Миср термаси билан бўлиб ўтадиган беллашувда Любинко Друлович бошчилигидаги олимпия терма жамоамиз сафига Наманганнинг “Навбаҳор” клубининг иқтидорли ярим ҳимоячиси Аббос Ғуломов ҳам жалб этилган. Боиси, сербиялик мутахассис ушбу учрашув орқали терма жамоага таклиф қилинган номзод футболчиларни, хусусан, бир қатор янги номларни ҳам синовдан ўтказиб, бўлажак мусобақаларга тайёргарлик олиб боради.

Шу ўринда, миллионлар ўйини ихлосмандларини 11 июнь оқшомида гуллар диёри – Наманганда бўлажак баҳсда ёш футболчиларимизни бевосита стадионда 12-ўйинчи сифатида қўллаб-қуватлашга чорлаб қоламиз.

© namangan24.uz

--> -->