USNews Logo

Россия Президенти Владимир Путин миллиардер Алишер Усмоновни “Россия география жамияти”нинг Константиновский медали билан мукофотлади.

Ташкилотнинг васийлик кенгашида Путин мукофотни асли келиб чиқиши наманганлик бўлган россиялик тадбиркорга топширган. Бу мукофот билан Усмонов гоография жамияти фаолиятига қўшган алоҳида ҳиссаси учун тақдирланган.

Медаль 1846 йилда РГЖнинг биринчи раиси князь Константин томонидан таъсис этилган. Медалда олувчининг исми ёзилади, у география фани бўйича катта хизматлари ва жамият фаолиятига қўшган алоҳида ҳиссаси учун жамият аъзоларига берилади.

Ҳозирда жамият бутун Россия бўйлаб 85 та минтақавий бўлинмага эга. 2009 йилда Сергей Шойгу жамият президенти этиб сайланди. 2010 йилда Путин раҳбарлигида жамиятнинг васийлик кенгаши ташкил этилган.

Маълумот ўрнида, Алишер Бурхонович Усмонов 1953 йилнинг 9 сентябрь куни Наманган вилояти Чуст туманида таваллуд топган. У оиладаги тўрт нафар фарзанднинг тўнғичи эди. Унинг отаси Бурхон Усмонов ҳуқуқни муҳофаза қилиш идораларида фаолият юритган. 2018 йил август ойида Ўзбекистон Республикаси Президенти фармонига кўра, давлатимизнинг юксак мукофотларидан бири - “Эл-юрт ҳурмати” ордени билан тақдирланган.

Оқилхон Дадабоев,

© namangan24.uz