Келиб чиқиши ўзбекистонлик, Наманганда туғилган миллиардер, “USM Holdings” ширкати асосчиси ва бош акциядори Алишер Усмонов дунёга машҳур “Financial Times” газетасига берган интервьюсида ким унинг меросхўри бўлиши мумкинлигини ошкор қилди.

Суҳбат чоғида журналист Алишер Усмоновнинг ўрнини ким боса олиши масаласи юзасидан қизиқиш билдирган. Бунга жавобан миллиардер ҳеч ким бу дунёда мангу яшамаслигини, унга шу даражага етишида кўпчилик ёрдам берганини айтиб ўтган.

“Умр абадий эмас. Шунинг учун, мен акцияларимни ўз оилам ва топ-менежерларимга қолдириб, уларга ёрдам бермоқчиман”, дея қайд этган Алишер Усмонов.

Наманганлик миллиардер бойлигининг биринчи ярмини яқинларига, иккинчисини ходималарига бериши мумкинлигини таъкидлаб ўтган. Усмоновнинг сўзларига кўра, юқори ўринларда турувчи барча бу жараёнда иштирок этади.

“Менинг табиатим шундай. Агар сизда тақдир тақозоси билан қўлга киритган бирор нарсангиз бўлса, уни бўлишишингиз керак”, деб сўзларини якунлаган Алишер Бурҳонович.

Маълумот ўрнида, Алишер Усмонов “Forbes” журнали талқини бўйича Россиянинг энг бой кишилари рўйхатига киритилган бўлиб, унинг умумий бойлиги миқдори 12 миллиард 600 миллион долларни ташкил этади.

© namangan24.uz

--> -->